Pueblos escites

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Pueblos escites}} ~~~~

Escites^[1] (griegu Σκύθης Scýthēs o Σκύθοι Scýthoi) yera'l nome dau na Antigüedá a los miembros d'un grupu de pueblos d'orixe iraniu, carauterizaos por una cultura basada nel llendo nómada y la cría de caballos de monta. Mientres l'Antigüedá clásica, los escites apoderaron la estepa póntica, que recibió'l nome d'Escitia.^[2] El so idioma sería l'antecesor del modernu osetiu.

Na Antigüedá tardida fueron sometíos polos sármatas, un pueblu culturalmente allegáu que terminó sustituyéndolos como amos de les estepes.

La mayor parte de lo que se conoz sobre los escites vien de fontes estranxeres, concretamente griegues y llatines. Les principales d'elles son el llibru IV de la Historia d'Heródoto (440 e. C.), la Xeografía d'Estrabón y el poema d'Ovidio Epístola dende'l Ponto, que describe principalmente la Escitia Menor, dambos de la mesma dómina (circa 13 d. C.) L'arqueoloxía afayó testimonios de la cultura escita nos montículos funerarios d'Ucraína y el sur de Rusia.

El etnónimo “escita” tamién foi usáu pa referise a otros pueblos de costumes similares o qu'ocuparon les rexones de Rusia, Ucrania y Asia Central, conocíes mientres llargu tiempu como Escitia.

Sábese que tuvieron los sos antecedentes dende l'añu 2000 e. C., pero la so primer apaición na historia ye una alianza colos asirios nel sieglu VII e. C. Sieglos dempués collaboraron colos medos —tribu irania emparentada colos perses— para desmembrar al Imperiu asiriu.

1. ↑ Esti topónimu apaez na traducción al asturianu de los Mapes de l'Associació Bíblica de Catalunya
   Esta fonte emplégase como referencia dende'l puntu de vista llingüísticu.
2. ↑ Scythian, member of a nomadic people originally of Iranian people who migrated from Central Asia to southern Russia in the 8th and 7th centuries BC—The New Encyclopedia Britannica, 15th edition